13 oC 
Güneşli
فڕۆکە جەنگییەکان و تۆپخانەکانی رژێمی داگیرکەر ناوچە جیاجیاکانی شاری غەززە و خان یونسیان بە شێوەیەکی بەرفراوان کردووەتە ئامانج.
ناوەندی ڕاگەیاندنی فەلەستین لە غەززە هەواڵی چڕبوونەوەی هێرشەکانی سوپای سەهیۆنی لە کاتژمێرەکانی ڕابردوودا ڕاگەیاند. فڕۆکە جەنگییەکانی رژێمی داگیرکەر دەوروبەری قوتابخانەکانی "ئۆنروا" لە شەقامی ئەلنەسر، گەڕەکی تەل ئەلهەوا لە باشووری ڕۆژئاوای غەززە، شەقامی عومەر موختار لە بەشی کۆنی غەززە و چەندین شوێنی گەڕەکی ئەلسەبرە و مەغریبیان بۆردوومان کرد.
لە هێرشێکدا بۆ سەر باڵەخانەیەکی نیشتەجێبوون لە شەقامی عومەر موختار، لانیکەم ٤ فەلەستینی شەهید بوون و ژمارەیەکی دیکەش بریندار بوون. هەروەها بۆردوومانکردنی باڵەخانەیەکی نیشتەجێبوون لە ناوەندی غەززە و ماڵێک لە کەمپی ئەلشاتی بووە هۆی شەهید و برینداربوونی چەند کەسێکی تر.
تۆپخانەکانی سوپای سەهیۆنی ناوچەکانی ڕۆژهەڵات و باشووری غەززە، کەمپی ئەلشاتی، ڕۆژهەڵاتی کەمپی مەغازی و دەوروبەری خان یونس-یان خستە ژێر ئاگرەوە.
هەروەها چەندین باڵەخانەی نیشتەجێبوون لە شەقامی ئەلنەفەق لەلایەن هێزەکانی ئیسرائیلەوە بە بەکارهێنانی ڕۆبۆتی بۆمبڕێژکراو تەقێنرانەوە و خاپوور کران.
فڕۆکە بێفڕۆکەوانەکانی سوپای داگیرکەر ماڵانی نیشتەجێبوونیان لە شەقامی مەغریب کردە ئامانج.(İLKHA)
ئاگاداری: مافی له به رگرتنه وه ی بابه ته كانی ئیلكھه، پارێزراون ھه واڵی نوسراو، وێنه، ڤیدیۆ، به ھه مو جۆرێكیان، بۆ به ده ست ھێنان پێویسته نوسراو له نێوانمان ھه بێت یان به ڕه زامه ندی ئێمه بێت، پێچه وانه كه ی به ر پرسیاره تی یاسای تیایه
لە ئەنجامی هێرشەکانی رژێمی داگیرکەری سەهیۆنی لە ٧ی تشرینی یەکەمی ٢٠٢٣یەوە لە کەرتی غەززە گەشتە ٦٩ هەزار و ١٨٢ کەس و ژمارەی بریندارەکانیش گەشتە ١٧٠ هەزار و ٦٩٤ کەس.
بزووتنەوەی خۆڕاگری ئیسلامی حەماس لە بەیاننامەیەکدا ڕایگەیاند کە تێکدانی گۆڕستانی مێژوویی باب ئەلڕەحمە لە نزیک مزگەوتی ئەقسا لەلایەن گرووپێک لە نیشتەجێ سەهیۆنییەکانەوە، تاوانێکی سەهیۆنی و هەنگاوێکی ئاشکرایە بۆ بە جوولەکەکردنی قودس.
سەرچاوە خۆجێییەکان لە کەرتی ڕۆژئاوا هەواڵی شەپۆلێکی نوێی هێرشەکانی هێزەکانی سوپای رژێمی سەهیۆنییان بۆ سەر چەندین شار، گوند و کەمپ لە باکوور و باشووری ناوچەکە ڕاگەیاند.
ئوسامە حەمدان، یەکێک لە سەرکردەکانی بزووتنەوەی حەماس، جەختی کردەوە کە ڕێککەوتنی ئاگربەست لە کەرتی غەززە بە کۆتاییهێنان بە دەستدرێژییەکانی دوژمن و دەستپێکی هەنگاوی سیاسی و نیشتمانیی فەڵەستینی دادەنرێت.
